Mere Toh Farz Bade Hain.

ghar wale aur bacchon ki jab bhi bahess hoti hai,
ghar wale hi galat bataaye jaate hain.

ummeed hai toh nahi mere theek hone ki,
ghar wale paison pe paise lagaaye jaate hain.

aaj ni laaya kal toh laayega saugaat koi beta,
yhi soch ke ghar waale budhaaye jaate hain.

kismat hi hai,kabhi to chamkegi meri bhi,
yhi soch ke log bss degree uthaaye jaate hain.

agar degree le ke bhi kaam na karo,
sivaaye maa ke sab taane sunaaye jaate hain.

chaar paise kama ke hi door hogi ghar ki dikkat,
soch ke bade budhe sab paise kamaaye jaate hain.

maa-baap se baat na hone pe koi dikkat ni kisi ko,
uske message na aane pe paglaaye jaate hain

hmne to paani tak nahi dia ghar walon ko zarurat pe,
ghar wale apna farz nibaaye jaate hain.

khud nahi lia hoga maa ne ek kapda bhi saalon se,
bacchon ko har tyohaar naye kapde dilaaye jaate hain.
-Durgesh Singh.